Публикации » Вăхăтра тỹле

Çак кунсенче ШĔМĕн шалти ĕçсен пайĕн ГИБДД уйрăмĕн ĕçченĕсем Суд приставĕсен федераци службин Чăваш Республикинчи управленийĕн Елчĕк районĕнчи ĕçченĕсемпе пĕрлехи рейд йĕркелесе парăмпа вăхăтра татăлман граждансемпе тĕл пулчĕç. Рейд вăхăтĕнче парăмĕсене тỹлеме "васкаман" 3 çын тĕлĕшĕпе административлă протокол çырчĕç. Административлă право йĕркине пăсни çинчен калакан Кодексăн 32.2 статйипе килĕшỹллĕн, йĕркене пăснăшăн айăпланнă çынсен штрафсемпе 30 кун хушшинче татăлмалла. Штрафа банк уйрăмĕнче тỹленĕ хыççăн гражданинăн тỹленĕ квитанципе Елчĕкри ГИБДД уйрăмне пымалла, квитанцие упрамалла. Штрафпа вăхăтра татăлмасан айăпçăна РФ КоАП 20.25 статйин 1 пайĕпе килĕшỹллĕн айăплаççĕ. Штраф виçине икĕ хут ỹстереççĕ е айăпçăна 15 талăка арестлеççĕ.