30 января 2016 г.
Аслă Елчĕкри Г.Н.Волков ячĕллĕ вăтам шкулта пĕрремĕшсемпе «Эп вĕрентĕм вулама» пултарулăх сехечĕ иртрĕ.
23 шăпăрлан библиотекăна пуçласа килчĕç. Класа Т.Ласточкина ертсе пырать. Мал ĕмĕтлĕ ачасене вулавăш ертÿçи Л.Адюкова ăшă кăмăлпа кĕтсе илнĕ май çÿлĕксем çинче тирпейлĕ вырнаçтарнă кĕнекесемпе паллаштарчĕ, вĕсене тирпейлĕ тытмаллине ăнлантарчĕ.
Капăр чăваш тумĕ тăхăннă ачасем ытарлă ыйтусем çине пĕрин хыççăн тепри тупăшсах хуравларĕç, сăвăсем каларĕç, илемлĕ юрăсем шăрантарчĕç.
Ачасем вулама пĕлнине шута илсе, библиотекарь вĕсене вулакансен ретне илнине пĕлтерчĕ те формулярсем уçса кĕнекесем илме сĕнчĕ.
М.АДЮКОВА.
Источник: "Елчĕк Ен"