08 апреля 2015 г.
Пирĕн аслă юлташăмăрсем - район хаçатĕнче чылай çул ĕçленĕ, тивĕçлĕ канăва тухсан та туслă çыхăнăва татман Аслă Елчĕкри Петр Алексеевич Печков, райхаçатăн ялти активлă корреспонденчĕ, Акчелĕнчи Николай Ефимович Московский ветерансем Аслă Çĕнтерỹ уявĕ умĕн тепĕр юбилей медальне тивĕçнĕ.
Иртнĕ çул Беларуç халăхĕшĕн паллă çул пулнă. Вĕсем нимĕç фашист захватчикĕсенчен ирĕке кăларнăранпа 70 çул çитнине паллă тунă. Çак юбилей ячĕпе Беларуç Республикин Президенчĕ медаль çирĕплетнĕ. Пирĕн хаклă тусăмăрсем Беларуç Республикин сумлă медальне тивĕçнĕ. Каласа хăваратпăр, юбилей медальне Раççейри 18 пине яхăн фронтовик илĕ. Шел, Ĕнелĕнчи Алексей Шапошников ветеран ăна хăй аллипе тытса курайман. Комсомольски тата Елчĕк районĕсен çар комиссарĕн пай начальникĕ С.Данилов ăна Галина хĕрне панă.
Источник: "Елчĕк Ен"