09 июня 2015 г.
Николай Гладков /«Нива» агрофирма» ООО директорĕ/, Алексей Колсанов /«Прогресс» акционерсен хупă обществин водителĕ/ тата Валерий Падуев /Ленин ячĕллĕ ялхуçалăх производство кооперативĕн председателĕ/ сăнÿкерчĕкĕсене районти Хисеп хăми çине ытахальтен вырнаçтарман.
Алексей Колсанов /варринче/ ялхуçалăх предприятийĕнче нумай çул ĕçлет анчах мар, ĕçтешĕсем хушшинче яваплă çын пулнипе те палăрса тăрать. Николай Гладков производствăри çĕнĕлĕхсене ĕçе кĕртессипе тимлет. Валерий Падуев та пултаруллă çын пулнине, пуçăннă кирек хăш ĕçе те вĕçне çитерме пултарнине эпир пурте тахçанах пĕлетпĕр. Районта предприниматель ĕçне чи малтан йĕркелесе яракансенчен пĕри вăл. Фермер /хресчен/ хуçалăхне те тытса пыма пултарчĕ. Халĕ тăван ялĕнчи ялхуçалăх предприятине ертсе пырать, мал ĕмĕтлĕ, тăрăшуллă пулнине кашни кунхи ĕçĕпе çирĕплетет.
С.АНАТОЛЬЕВА.
Источник: "Елчĕк Ен"