30 ноября 2013 г.
Аслă Елчĕкре Афган вăрçинче пуçне хунă А.Патшина асăнса пилĕкрен тытса кĕрешессипе уçă чемпионат иртрĕ. Унта Елчĕк районĕн командисĕр пуçне Шупашкар хулин, Тăвай, Патăрьел, Çĕрпỹ районĕсен кĕрешекенĕсем хутшăнчĕç. Хăйсен виçисенче тата ỹсĕмĕсенче Р.Иванов (Çĕнĕ Пăва), А.Тябуков (Аслă Елчĕк), А.Александров (Елчĕк), Д.Викентьев (Çĕнĕ Пăва), А.Хушкин, П.Ласточкин, Д.Тарасов, Е.Теньков, И.Чернов, А.Федоров (Аслă Елчĕк) çĕнтерчĕç.
Елчĕк районĕн команди пĕрремĕш вырăна йышăнчĕ, Шупашкар хулин, Тăвай районĕн атлечĕсем те çĕнтерỹçĕсен йышĕнче.
Районти Аслă Елчĕк, Çĕнĕ Пăва, Лаш Таяпа командисем призлă вырăнсене йышăнчĕç.
Источник: "Елчĕк Ен"