17 апреля 2010 г.
Аслă Елчĕкри пĕтĕмĕшле практика врачĕн уйрăмĕнче донор кунĕ иртнĕ. Унта 59 донор пуçтарăннă. Ял çыннисемпе пĕрле районти культработниксем, "Елчĕк ен" хаçат, районти тĕп больница, предприятисемпе организацисен ĕçченĕсем, "Çурхи ыр кăмăллăх эрни" акцине хутшăнса, юн пачĕç. П.Убасев, С.Молькова, И.Филимонова, Т.Амасева, Л.Агеева, В.Чернова сăваплă ĕçе чылай çул хутшăнаççĕ. Çак пархатарлă ĕçрен Ел-чĕкри выльăх-чĕрлĕх чирĕсене хирĕç кĕрешекен станцийĕн специалисчĕсем те пăрăнса юлмаççĕ. Аслă Елчĕкри ветеринари пункчĕн заведующийĕ Виталий Афанасьев çак кун 30-мĕш хут юн панă. Ветлабораторинчи Анна Андреева, Антонина Дружинина, Людмила Ларионова лаборантсем пиллĕкмĕш хут ырă ĕçе хутшăннă. Пĕрле ĕçлекен юлташĕсенчен ырă тĕслĕх илсе Ирина Мальцева, Нина Чернова ветсанитарсем те пĕрремĕш хут хăюллă утăм тунă.
Источник: "Елчĕк Ен"