07 ноября 2009 г.
ҫул уҫӑлни - чӑнласах пӗтӗм халӑх уявӗ. Ҫакна ЧР Министрсен Кабинечӗн Председателӗн ҫумӗ - строительство министрӗ Александр Гончаров тата Етӗрне районӗн пуҫлӑхӗ Евгений Яранский тепӗр хут курса ӗненчӗҫ. Вӗсем пӗтӗм халӑхпа пӗрле Эмеккасси тата Липовка ялӗсене ҫитекен автомобиль ҫулӗсене уҫма хутшӑнчӗҫ.
А.Гончаров вице-премьер палӑртнӑ тӑрӑх, республика Президенчӗн указне пурнӑҫласа юлашки икӗ ҫул ҫурӑ хушшинче Чӑваш Енре ҫӗнӗ вун-вун ҫул хута янӑ. Липовкӑна ҫити 5 км автоҫул хывма 68 млн тенкӗ тӑкакланӑ, Эмеккасси ҫулӗ валли - 15 млн тенкӗ. Ҫӗнӗ ҫул ял ҫыннисемшӗн - ҫӗнӗ пурнӑҫ пуҫланнипе тан. Ҫакна ку тӑрӑхра пурӑнакансем те ҫирӗплетеҫҫӗ. Район пуҫлӑхӗ Е.Яранский строительсене тав турӗ. 2009 ҫулхи чӳк уйӑхӗн 4-мӗшӗ Етӗрне тӑрӑхӗн историне кӗрсе юлӗ: паянтан районта асфальт ҫул ҫитмен ял юлмарӗ.
Источник: "Хыпар"