Публикации » Хресченĕн - çĕр тĕрлĕ ĕç

12 июля 2014 г.

Çапла, çу кунĕсенче çĕр тĕрлĕ ĕç тума тивет хресченĕн. Чи пысăк пĕлтерĕшли - выльăх апачĕ хатĕрлесси. Районти ял хуçалăх предприятийĕсемпе фермер хуçалăхĕсем 2700 гектар нумай çул ỹсекен курăксене пĕрремĕш хут çулнă, 1919 тонна утăпа 2200 тонна сенаж хатĕрленĕ. Пĕр çул ỹсекен курăксене те -  вĕсем 729 гектар йышăнаççĕ - çулма тухмалла. 340 гектар куккурус та начар мар çитĕнет. Вырма ĕçĕсем те çывхарса çитрĕç. Хуçалăхсенче тĕш-тырă пуçтарса кĕртмелли 31 комбайн (98.) хире тухма хатĕр. Уй-хир ĕçĕсем валли 475 тонна çунтармалли-сĕрмелли материалсем кирлĕ пулсан, хальлĕхе 210 тонна туяннă. Ку ĕç малалла пырать. В.АЛЕКСЕЕВ.

Источник: "Шăмăршă хыпарĕ"