02 апреля 2014 г.
"Ăçта вилĕм сутнине пĕлтер" тата "Çамрăксем - сывă пурнăç йĕркишĕн" акцисене хутшăнса, районта тĕрлĕ мероприятисем иртеççĕ. Иртнĕ эрнере районти наркотиксемпе усă курнине хирĕç кĕрешекен комисси секретарĕ С.Чегаева, район администрацийĕн вĕрентỹпе çамрăксен политикин пайĕн çамрăксемпе ĕçлекен методисчĕ Л.Гордеева, Шăмăршăри тĕп больницăн ача-пăча тухтăрĕ О.Львов тата полици уйрăмĕн çул çитменнисемпе ĕçлекен инспекторĕ Н.Мазякова Анат Чаткасри тĕп шкулти 5-9 классенче вĕренекенсемпе тĕл пулчĕç. Вĕсем шкул ачисемпе сывă пурнăç йĕркин илемĕ, наркотиксемпе усă курнин, эрех-сăра ĕçнин тата пирус туртни сиенĕ çинчен калаçу ирттерчĕç. Калаçу темине слайд-презентаципе çирĕплетсе пыни те усăллă пулчĕ. "Сиенлĕ йăласемпе туслашма юрамасть!" - çакăн пек пĕтĕмлетỹ турĕç шкулта вĕренекенсем усăллă калаçу хыççăн.
Источник: "Шăмăршă хыпарĕ"