30 января 2014 г.
Район администрацийĕн халăха социаллă хÿтлĕх парас тĕлĕшпе ĕçлекен пайĕн «Социаллă хÿтлĕх памалли мерăсен центрĕ» хысна учрежденийĕнче вĕренÿ семинарĕ пулса иртнĕ. Пай ертÿçи Н.Ендиеров палăртнă тăрăх, нумай функциллĕ центрсен ĕçĕ пысăк пĕлтерĕшлĕ.
Шăпах вĕсенче кирлĕ документсене вăхăтра хатĕрлеме майсем пур, тĕрлĕ енлĕ консультаци-канаш илме те пулать.
Кăçалхи январĕн 1-мĕшĕнчен вара вăрçăпа ĕç ветеранĕсене, тыл ĕçченĕсене, уйăхсерен паракан ача пособийĕшĕн, хваттерпе коммуналлă пулăшу тÿлевĕшĕн паракан укçана илме нумай функциллĕ центрсене заявлени çырса памалла. Ку тĕлĕшпе Чăваш Республикин Экономика аталанăвĕн, промышленноçпа суту-илÿ, Сывлăх сыхлавĕпе социаллă аталану министерствисен «Патшалăх тата муниципал пулăшăвĕ паракан нумай функциллĕ центр» автономи учрежденийĕпе килĕшÿ тунă.
Н.ИВАНОВ.
Источник: "Шăмăршă хыпарĕ"