Публикации » Ветерана чысларĕç

09 апреля 2014 г.

Çак кунсенче педагогика ĕçĕн ветеранĕ Антонина Степанова Корчагина 90 çул тултарчĕ. Çак ятпа ăна районти халăха социаллă хỹтлĕх паракан пай пуçлăхĕ Николай Ендиеров тата Кивĕ Чукал ял тăрăхĕн пуçлăхĕ Александр Чамеев килне пырсах саламларĕç. Николай Иванович юбиляра Раççей Федерацийĕн Президенчĕн Владимир Путинăн Тав çырăвĕпе тата чечек çыххипе чысларĕ. Ветерана асăнмалăх парне те пачĕç. Антонина Степановна хăй вăхăтĕнче Патăрьелĕнчи педучилищĕрен вĕренсе тухнă, Шамкайри шкулта ачасене физика тата математика вĕрентнĕ. Унтан тивĕçлĕ канăва кайичченех пуçламăш классене пĕлỹ панă. Антонина Степановнана нумай пурăнма çывăх çыннисем ăна юратни тата уншăн тăрăшни, чунпа ватăлмасăр пурнăç çине савăнăçлă куçпа пăхни, çут çанталăкпа туслă пулни пулăшнă.

З.КАРЗАНОВА.

Источник: "Шăмăршă хыпарĕ"