27 ноября 2013 г.
«Раççей Федерацийĕнче 2012-2020 çулсенче шыв хуçалăхĕн комплексне аталантарасси» федераллă тĕллевлĕ программа пирĕн районта та пурнăçа кĕрсе пырать. Кăçал икĕ плотинана юсама пуçланă. Пуянкасси тата Кивĕ Чукал ял тăрăхĕсенчи сооруженисене йĕркене кĕртме, капиталлă юсав ĕçĕсем туса ирттерме федераци бюджетĕнчен субсиди уйăрнă.
Иртнĕ кĕçнерни кун Чăваш Республикин çут çанталăк ресурсĕсен тата экологи министрĕ Е.Юшин, район администрацийĕн пуçлăхĕн пĕрремĕш çумĕ В.Никифоров, маларах асăннă министерство специалисчĕсем юсав ĕçĕсем мĕнлерех пынипе вырăнсене çитсе паллашнă.
Кивĕ Чукал ял тăрăхĕнчи плотинана кăçалах юсаса пĕтерме палăртнă пулсан, Пуянкасси ял тăрăхĕнче вара комплексла ĕçсем туса ирттерме тивет. Кунти ĕçсем çитес çул вĕçленĕç.
В.ДАВЫДОВ.
Источник: "Шăмăршă хыпарĕ"