Публикации » «Ахаяс» – Чĕмпĕрте

Пуянкассинчи "Ахаяс" фольклор ушкăнĕ (ертÿçи – Н. Федотова) хăйĕн пултарулăхĕпе кÿршĕллĕ регионсене çитсе те паллаштарать. Хальхинче вĕсем Ульяновск облаçĕнчи Сенгилей хулинче иртнĕ Чĕмпĕр чăвашĕсен акатуйĕнче пулнă. Уява пухăннисем пирĕн ентешсене хапăл туса кĕтсе илнĕ, вĕсен юрри-ташшине ырланă. Хамăр тăрăхри йăла-йĕркене сăнлани, кăмăла çĕклекен чăваш юрри пурне те килĕшнĕ. Хуçасем халăхран тухнă артистсене Тав çырăвĕпе тата сувенирсемпе чысланă.

Çак çул çÿреве кайма пулăшнăшăн "Ахаяс" фольклор ушкăнĕ райадминистрацин культура тата архив ĕçĕн секторĕн ертÿçине А.Ларшникована, районти халăха социаллă пулăшу паракан пай ĕçченĕсене (ертÿçи – Н.Ендиеров) машинăпа тивĕçтернĕшĕн чĕререн тав тăвать.