16 февраля 2008 г.
ÇАК кунсенче Карапай Шăмăршăра ял поселенийĕн пуçлăхĕн парнисене илессишĕн йĕлтĕрçĕсен ăмăртăвĕ иртрĕ. Унта ял поселенийĕн çамрăкĕсен, "Нектар" фирмăра ĕçлекенсен, "Елочка" санатори работникĕсен, вырăнти шкул учителĕсен, "Василек" ача сачĕнче вăй хуракансен командисем тата шкулта 5-6, 7-8, 9-11 классенче вĕренекенсен командисем ăмăртрĕç. 1-3 километрлă дистанцисенче тупăшрĕç. Судьясен коллегийĕ ăмăрту кăтартăвĕсене пĕтĕмлетсен "Елочка" санатори команди пĕрремĕш вырăна тухни палăрчĕ. 5-6 классенче вĕренекенсене илсен, Виктор Лаврентьевпа Оксана Козлова, 7-8 классен командисенче Александр Сабаевпа Оля Елисеева, 9-11 классем хушшинче Геннадий Ларионовпа Надежда Петрова пĕрремĕш вырăнсене тухрĕç. Ял поселенийĕн пуçлăхĕ В.В.Денисов 1-3 вырăнсене тухнă командăсемпе уйрăм спортсменсене Грамотăсемпе призсем парса чысларĕ.
Источник: "Шăмăршă хыпарĕ"