Публикации » Йĕлтĕрçĕсен эстафети

КАРАПАЙ ШĂМĂРШĂРИ пĕтĕмĕшле пĕлÿ паракан вăтам шкулта ял тăрăхĕн пуçлăхĕн парнисене çĕнсе илессишĕн йĕлтĕрçĕсен эстафети пулнă. Шкул ачисем пысăк хавхаланупа старта тухнă, парнесемшĕн çивĕч кĕрешнĕ.

5-8 классем хушшинче хĕрсен командисенчен пĕрремĕш вырăна 8 класс вĕренекенĕсем йышăннă, иккĕмĕшпе виççĕмĕш – пиллĕкмĕшпе çиччĕмĕш классем. Каччăсенчен 8 класăн пĕрремĕш команди мала тухнă, вĕсем хыççăн финиша 7 класс тата 8 класс (иккĕмĕш команда) вĕренекенĕсем çитнĕ.

10 класс хĕрĕсем 9-11 классем хушшинче пĕрремĕшсем пулнă. Тăххăрмĕшсемпе вун пĕрмĕшсен иккĕмĕш, виççĕмĕш вырăнсемпе çырлахма тивнĕ. Каччăсен эстафетинче 11 класс – пĕрремĕш, 9 класс – иккĕмĕш, 10 класс – виççĕмĕш вырăнта.