08 февраля 2014 г.
ЫЙТУ: Чăваш Республикинче «Ĕç ветеранĕ» ята тивĕç пулас тесен арçынсен хальхи пек 45 çул мар, 40 çул, хĕрарăмсен 40 çул вырăнне 35 çул ĕçлемелле тума май çук-ши;
С.АЛТЫНБАЕВ, пенсионер. Палтиел ялĕ.
Ыйту çине Чăваш Республикин пуçлăхĕ М.В.Игнатьев хуравлать:
– Питĕ тĕрĕс ыйту. Шел пулин те, «Ĕç ветеранĕ» ята маларах пама хальлĕхе республика экономикин аталанăвĕн шайĕ май памасть – сахалтан та çулталăкра 300-350 миллион тенкĕ хушма укçа кирлĕ вĕт-ха. Экономика аталанăвĕ ÿснĕ май, эсир ыйтнă ыйтăва ăнăçлă татса пама май пулĕ.
ЫЙТУ: Районти тĕп больницăри стационарта койка-вырăн шутне мĕншĕн чакараççĕ;
Çак ыйту çине Чăваш Республикин сывлăх сыхлавĕпе социаллă аталану министрĕ А.В.Самойлова хуравлать:
– Чакармаççĕ, хальхи вăхăтра стационарта койка-вырăн шучĕ çителĕклĕ тесе шутлатăп.
Хаçатра вырăн панипе усă курса, тепĕр ыйту çине те хуравлатăп: Шăмăршă район больницинче ача-пăча уйрăмĕ те упранса юлать. «Уйрăм хупăнать» тени – тĕрĕс мар сас-хура çеç. Çавăн пекех ача-пăча консультацийĕ те ĕçлет.
Источник: "Шăмăршă хыпарĕ"