17 июля 2013 г.
Карапай Шăмăршă ял тăрăхĕнче халăхран сĕт пухассине лайăх йĕркеленĕ. Геннадий Ильин тата Александр Степанов пĕр тонна кĕрекен цистернăсене чи малтан хăйсен хуçалăхĕнчи ĕнесенчен суса илнĕ сĕте яраççĕ те ялсем тăрăх пуçтарма тухаççĕ. Вĕсен кашнийĕн хăйсен клиенчĕсем, çавăнпа та ăçта тата хăш вăхăтра чарăнмаллине питĕ лайăх пĕлсе çитнĕ сĕт пухакансем.
Ку тăрăхра сĕте пĕр литрне 12 тенкĕпе пуçтараççĕ. Хăш-пĕриншĕн сĕт патшалăха сутни пĕртен-пĕр чĕрĕ укçа пулса тăрать. Çавăнпа ăна сутса çемье бюджетне пуянлатаççĕ. Предпринимательсем укçана вăхăтра тÿлеççĕ.
А.НИКОЛАЕВ.
Источник: "Шăмăршă хыпарĕ"