21 февраля 2011 г.
ФЕВРАЛĔН 10-мĕшĕнче Карапай Шăмăршă ял поселенийĕнче Донор кунĕ иртрĕ. Çак кун 72 çын хăйсен юнĕсене пачĕç. Пĕр çемьерен виçшер çын юн панисем те пур: С.П. Сидорова, М.П. Герасимова, Т.А. Железова, Г.Н. Деомидова, В.В. Никитина, Л.П.Старшова, Е.Н. Московская çемйисем. Карапай Шăмăршăри психоневрологи интернатĕнче, ялти вăтам шкулпа "Василек" ача садĕнче ĕçлекенсем уйрăмах активлă пулнине палăртмалла. Ял поселенийĕн пуçлăхĕ В.В.Денисов (хăй те темиçе хут тỹлевсĕрех юн панăскер) тăван ял-йыша чĕререн тав турĕ.
Источник: "Шăмăршă хыпарĕ"