16 апреля 2014 г.
Хаçатра пĕлтернĕччĕ ĕнтĕ: хальхи вăхăтра районта тракторсемпе вĕсен прицепĕсен çулталăкри техосмотрĕ пырать. Графикпа килĕшỹллĕн, çак кунсенче районти комисси Чукал, Кивĕ Чукал, Карапай Шăмăршă, Анат Чаткас ял тăрăхĕсенче пулса техника юсавлăхне тĕрĕслерĕ. Çавăн пекех "Мир" хуçалăхра та тĕрĕслỹ иртрĕ: кунта 15 трактортан пурте тенĕ пекех çур акине хутшăнма хатĕр. Çитес эрнере комисси Пăчăрлă Пашьел ял тăрăхĕнче (апрель,22), Шăмăршă ял тăрăхĕпе "Шанс" ОООра (23), Патирек ялĕпе "Искра" СХПКра (24) пулĕ. Çакна та каламалла: транспорт хуçисен хăйсен техникине пĕр пăркаланмасăр тĕрĕслеве тăратмалла. Техосмотр иртмен техникăна ĕçлеме чараççĕ, пысăк штраф тỹлеттереççĕ.
В.МАТВЕЕВ, Гостехнадзор инспекторĕ.
Источник: "Шăмăршă хыпарĕ"