Публикации » Прививка грипран хÿтĕлет

"ГРИПП ЧИРĔ – çăмăл чир, ăна эпир ура çинчех ирттерсе яратпăр", – тет хăш-пĕри. Анчах та çак шухăш, медицина енĕпе илес пулсан, пачах та тĕрĕс мар. Медицина ĕçченĕсенчен пулăшу ыйтмасан, вăхăтра сипленмесен грипп ытти чирсене пуçарма та пултарать.

Грипп чирĕнчен сыхланассинче профилактика прививки пысăк пĕлтерĕшлĕ. Хальхи вăхăтра районта прививка тăвасси планпа килĕшÿллĕн пырать. Ялта медпункт çук пулсан, район больницин администрацийĕ унта медицина ĕçченĕсене ярассине, граждансене грипран прививка тăвассине йĕркеленĕ.

Ярăславра та фельдшер çук. Çавна май çак кунсенче пирĕн яла район больницинчен С.Якушовапа Н.Борисова медсестрасем килчĕç, ял çыннисене грипран прививка турĕç. Пархатарлă ĕçшĕн ял-йыш çак медсестрасене ăшшăн тав турĕ. Профилактика ĕçне йĕркеленĕшĕн район больницин тĕп врачне И. Смирнована та чĕререн тухакан тав сăмахĕсем каларĕç.