Публикации » Музейра – мероприяти

КĂÇАЛ Раççей историйĕн çулĕ. Çакна халалласа районта тĕрлĕ мероприяти иртет. Васанти историпе тавра пĕлÿ халăх музейĕнче 1812 çулта пулнă Отечествăлла вăрçăри Бородино хирĕнчи çапăçăва тĕпе хурса сăвă вулавçисен конкурсне йĕркеленĕ. Ялти пĕтĕмĕшле пĕлÿ паракан тĕп шкулти вĕренекенсем хăйсен пултарулăхĕпе хастарлăхне кăтартнă.

Мероприятие йĕркелекенĕ музей ертÿçи, Чăваш Республикин культура тава тивĕçлĕ ĕçченĕ, Раççей Федерацийĕн журналисчĕсен членĕ, тавра пĕлÿçĕ Герман Ларшников. Вăл пухăннисене Бородино çапăçăвĕ пирки каласа кăтартнă мероприятие хутшăнакансене тав тунă.

Жюри членĕсем ăста вулакан ачасене палăртнă. Юлия Полякова (8 класс), Кристина Архипова (6 класс), Ксения Смаевапа (5 класс) Татьяна Сатарова (8 класс) малти вырăнсене йышăннă. Çавăн пекех 5 класри Алиса Полякова, Вадим Гордеев, 6 класри Максим Урмаев, Андрей Урмаев тата Артем Митрофанов та лайăх енчен палăрнă.

Çĕнтерÿçĕсене Хисеп хучĕсемпе тата хаклă парнесемпе хавхалантарнă.