20 августа 2008 г.
ВИÇĔ ялти çăл куçсене те тасатса-тирпейлесе тăратпăр, пурне те пура ăшне илтĕмĕр, _ терĕ Васан ял посмеленийĕн пуçлăхĕ С.В.Ястребов. Станислав Вячеславович пире Ярăслава çитсе курма сĕнчĕ. Кунта Алексей Карсаков ăстаçă çăл куçа тирпей кỹретчĕ. Чăннипех те çав тери илемлĕ кану вырăнĕ: тăрна куçĕ пек тăрă шыва ĕçсе чуна кантарма та, çут çанталăк асамлăхĕпе киленме те пулать. Йĕри-тавра карта тытнипе, выльăх-чĕрлĕх те, хур-кăвакал та кĕрсе варалаймасть. Çакăн пек илемлĕ кану вырăнĕсем Васанта та, Кивĕ Шăмăршăра та пур. Кайса курăр, ỹкĕнмĕр!
Источник: "Шăмăршă хыпарĕ"