24 апреля 2015 г.
Пĕлтĕр август уйăхĕнче эпир, Тупнер ялĕнче пурăнакансем, пурте пĕрле пухăнса пĕчĕк пуху иртертĕмĕр. Унта хамăр ялти вăрçă паттăрĕсене чысласа палăк лартас пирки калаçрăмăр . Çак ĕçе пуçараканĕ хамăр ялта çуралса уснĕ Анатолий Николаевич Павлов пулчĕ – ял халăхĕ ун пуçарăвне кăмăллăн йышăнчĕ. Палăка халăх ытларах иртсе çÿрекен вырăна вырнаçтăртăмăр. Çак ĕçе эпир халăхран укçа пуçтарса турăмăр. Палăк тунă çĕре Анатолий Павлов, Юрий Семенов, Сергей Николаев, Михаил Сергеев, Марина Александрова, Юрий Грирорьев хастар ĕçлерĕç. Эпир вара, хĕрарăмсем- Людмила Смелова, Надежда Семенова тата сак статья авторĕ Лидия Сергеева палăк йĕри-тавра чечексем лартассипе ĕçлерĕмĕр. Карта тытса илемлетме вара Юрий Васильев Филиппович пенсионер-сварщик пысăк пулăшу пачĕ. Майăн 9- мĕшĕнче пурне те çак палăка уçнă çĕре Тупнер ялне килме чĕнетпĕр.
Источник: "Цивильский вестник"