02 июля 2010 г.
Кăçал Тавăшкасси шкулĕнче ачасен сывлăхне çирĕплетмелли «RECORD GLUB» ятлă лагерь ĕçлерĕ. Кунта 20 ача канчĕ, хăйĕн сывлăхне çирĕплетрĕ.
Лагерьте ачасене лайăх та меллĕ пултăр тесе лагерь начальникĕ Ю.П.Орлова, воспитательсем Г.Г.Александрова, Е.Г.Крылова, Б.В,Трофимов сав тери тăрăшрĕç. Вĕсем кашни кунах интереслĕ мероприятисем ирттерчĕç. Ачасемшĕн уйрăмах «День индейцев» мероприяти, «Белый тигр» фитнес-клуба çўрени тата спорт ташшин кружокĕ ĕçлени çав тери интереслĕ пулчĕç. Лагерьте канакан ачасем шкул çумĕнчи лаптăкра ешерекен ўсентăрансене, уйрăмах чечек клумбисене пăхса тăчĕç.
Воспитательсем сывлăха сыхлас тата сывă пурнăç йĕркине пропагандăлас ĕç çине пысăк тимлĕх хучĕç. Кашни кунах Ирхине ачасемпе гимнастика турĕç, спорт вăййисем, ăмăртусем ирттерчĕç.
Лагерьте ачасене кунне икĕ хутчен апат çитерчĕç. Н.И.Егорова, О.Л.Ястребова поварсем апат рационне пуянлатма тăрăшрĕç, ачасене витаминлă çимĕçсемпе тивĕçтерчĕç.
Ачасем лагерьтен каясшăн та пулмарĕç, кану кунĕсем çав тери хăвăрт иртнĕшĕн кулянса та илчĕç.
Источник: "Цивильский вестник"