20 марта 2009 г.
Ĕмпěрт Туçари культура çурчěн ěçченěсем Мартăн 8-мěшне халалланă уяв дискотекинче çамрăксемпе «Сывă пурнăç йěркишěн» темăпа калаçу ирттернě.
Вěсем пирус туртнин, наркоманин, эрех-сăра ěçнин сиенě çинчен каласа панă. Çăмрăксем умěнче çавăн пекех Ĕмпěрт Туçара çуралса ÿснě, спорт ăмăртăвěсене активлă хутшăнакан, халь Шупашкарта пурăнакан Елена Яковлева тухса калаçнă. Вăл çыннăн сывлăхě çирěп пулни пурнăçра мěн тери пысăк пěлтерěшлě пулни тата ăна упрамалли çинчен каланă. Çамрăксене сывă пурнăç йěрки патне чěннě май Е.Яковлева волейбол мечěкě парнеленě.
Источник: "Çĕнтерÿ çуле"