Публикации » Чăннипех те чи пултарулли

о Июнĕн 1-мĕшĕ - Пĕтĕм тĕнчери ачасене хỹтĕлемелли кун

Чăннипех те чи пултарулли

Чăваш Республикин Президенчĕ Н.В.Федоров çамрăксене тĕрĕс çулпа илсе пырас тĕллевпе нумай меслетсем шырать.

Ăс-хакăл çутлăхĕн çулталăкĕ пулнă май, шкулсенче самай лайăх улшăнусем пулса пыраççĕ. Кĕлкеш шкулĕнче кăçал нумай интереслĕ мероприятисем иртрĕç.

Шкулта "Çулталăкри чи лайăх класс ертỹçи" конкурс иртнĕччĕ. Ун хыççăн "Çулталăк вĕренекенĕ" ирттертĕмĕр. Пултаруллă та активлă ачасем шкулта чылай, час-часах олимпиадăсенче, конкурссенче хутшăнаççĕ. Финалта вара В.Иванова, С.Филиппова (8 кл.), М.Ямукова (9 кл.), М.Петрова (10 кл.), Р.Иванов тата А.Тимофеев (11 кл.) хутшăнчĕç. Пĕр-пĕрне те питĕ пулăшрĕç вĕсем. Çапла вара чи маттурри - 8 класри Света Филиппова. Конкурса хутшăннисем хăйсем те Светăшăн питĕ хĕпĕртерĕç, уншăн сасăларĕç. Света - Республикăра тата Раççейре иртекен нумай конкурссен призерĕ.

С. КОРНИЛОВА.