24 апреля 2013 г.
Раççей МЧСĕн надзор енĕпе ĕçлекен Тĕп управленийĕн Чăваш Республикинчи Управленийĕ пĕлтернĕ тăрăх кăçалхи апрелĕн 13-19-мĕшĕсенче Чăваш Республикин территорийĕнче 18 пин тăваткал метр лаптăк çинче типĕ курăк çунма пуçланă 30 пулăм регистрациленĕ.
Вут-çулăм пурăнмалли çуртсене, ытти хуралтăсене, вăрмансене ярса илесрен сыхланас тĕллевпе ăпăр-тапăра, каяшсене объектсенчен 50 метр инçетре çунтарма кăна юрать.
Пĕлтĕрхи типĕ курăка çунтарнă вăхăтра çулăм юнашар вырнаçнă пурăнмалли çуртсене, ытти объектсене, вăрмансене ярса илес хăрушлăх пысăк. Типĕ курăка çунтарнине пула вăрмансем çунаççĕ, уйсенче вара çĕр сийĕ пулăхсăр тăрса юлать. Çулăмра йывăçсем, чĕр-чунсем, кайăксен йăвисем пĕтеççĕ. Пушар вăхăтĕнче тухакан тĕтĕм те питĕ сиенлĕ, уйрăмах ачасемпе ватăсемшĕн. Типĕ курăк çуннă вăхăтра сывлăша сиенлĕ кăмрăк йÿçек газĕ (углекислый газ) уйрăмах нумай тухать.
Типĕ курăка çунтарнăшăн административлă явап тытма тивет.
Первоисточник: Д.Григорьев