24 апреля 2013 г.
Çур акине мĕнле шайра ирттеретĕн, çавăн пек тухăç илетĕн. Çак пысăк пĕлтерĕшлĕ тĕллеве пурнăçлама, ял хуçалăхĕпе çыхăннă çивĕч ыйтусене вăхăтра тата вырăнта татса парас тĕллевпе район администрацийĕн пуçлăхĕн К.Никитинăн хушăвĕпе ятарлă штаб йĕркеленĕ. Штабăн йышĕнче райадминистрацин ял хуçалăхĕпе çĕр хутшăнăвĕсен пайĕн пуçлăхĕ Д.Иванов, тĕп агрономĕ Н.Николаев, «Иванов В.А.», «Ямуков Г.Н.» хресчен (фермер), «Урмарская», «Шигали» хуçалăхсен пуçлăхĕсем В.Иванов, Г.Ямуков, Н.Петров, В.Тапинов, Гостехнадзорăн районти аслă инспекторĕ В.Николаев, Чулкас ял тăрăхĕн пуçлăхĕ И.Сергеев тата ытти яваплă çынсем. Ĕçлĕ ушкăнăн ертÿçи - Вăрмар район администрацийĕн пуçлăхĕ К.Никитин.
Штаб ларăвĕнче çур акипе çыхăннă тĕрлĕ ыйтусене сÿтсе явнă хыççăн К.Никитин ертсе пыракан ĕçлĕ ушкăн ятарласа «Урмарская» ăратлă кайăк-кĕшĕк, «Иванов В.А.» хресчен (фермер) хуçалăхĕсен уйĕсене çитсе курчĕ, кĕрхисем еплерех хĕл каçнипе кăсăкланчĕ.
Номере хатĕрленĕ вăхăт тĕлне «Иванов В.А.», «Ямуков Г.Н.» хресчен (фермер) хуçалăхĕсенче акана тухнă.