27 октября 2012 г.
текен ваттисен каларăшĕ Çитмĕш ялĕнче пурăнакан Валерий Викторович Иванов çинченех каланă тесен те йăнăш пулмĕ. Мĕн ачаран вăл сĕтел-пукан ăсталама хăнăхса пынă. Çак ĕçе ăна ашшĕ Виктор Порфирьевич хăнăхтарса пынă. Сăмах май, Порфирий Иванович аслашшĕ те ялта чи ăста платник пулнă теççĕ. Платник çеç-и, вĕсен йăх-несĕлĕ хурт-хăмăр ĕрчетессипе те çыхăннă. Валерий Викторович хурт-хăмăр пуçĕ 20 яхăн пăхса тăрать. Çак ĕçе вăл ывăлĕсене те явăçтарать. Кĕçĕнни Артем вара тăваттăмĕш класра çеç вĕренет пулин те, ашшĕпе пĕрле платник ĕçне хăнăхса пырать. В.Иванов чÿрече рамисем, алăксем тата ытти сĕтел-пукан ăсталать. Унсăр пуçне кил хуçалăхĕ валли карçынккасем те çыхать. Ивановсем картиш тулли выльăх-чĕрлĕх те усраççĕ. Çулла та, хĕлле те ĕç çителĕклех вĕсен.
Источник: "Урмарская районная газета"