29 августа 2012 г.
Кашни çын пурнăçĕнче - çул çитмен ача-и вăл е ура çинче çирĕп тăракан çын - йывăр самантсем пулаççĕ: çывăх çынна çухатни, йывăр чир, çемьере çивĕчленсе пыракан лару-тăру, ăнман юрату... Хăш-пĕр чухне вĕсене пĕччен татса пама питĕ йывăр. Çак вăхăтра айккинчен кÿрекен пулăшу питĕ пĕлтерĕшлĕ. Шел пулин те, яланах кирлĕ вăхăтра çывăх çын пулаймасть, ăшă сăмахпа пулăшаймасть. Çакăн пек самантра вара шанăç телефонĕ пулăшма пултарать.
Чăваш Енри пĕрлĕхлĕ шанăç телефонĕ кашни кун 24 сехет хушши тÿлевсĕр ĕçлет. Унăн номерĕ 8-800-100-49-94. Телефонпа калаçнă чухне ят-хушамата пĕлтермесен те юрать. Çакă вăтанмасăр чуна уçса калаçма майсем туса парать. Источник: "Урмарская районная газета"