Публикации » Н.Афанасьев фончĕн стипендиачĕсем

Кĕлкешри вăтам шкулта вĕренÿ çулне «5» паллăсемпе кăна пĕтерекенсене тата пур енĕпе те пултаруллă ачасене Н.Афанасьев фончĕн стипендие тата ятарлă премисем парасси йăлана кĕчĕ ĕнтĕ. Çакă, паллах, ачасене çав тери хавхалантарать, малалла та пысăкрах та пысăк çитĕнÿсем тума хистет. Çавăнпа-и, тен, лайăх вĕренекенсен шучĕ те (çав шутра отличниксен те) çулран çул ÿссе пырать. Пĕлтĕр шкулта 9 отличник пулнă пулсан, кăçалхи вĕренÿ çулне «5» паллăсемпе 12 ача вĕçлерĕ: Таня Кузьмина (3 кл.), Света Матвеева, Владимир Алексеев (4 кл), Кристина Анилина (5 кл.), Оля Григорьева, Света Данилова, Анжелика Кузьмина, Марина Хохлова (7 кл.), Настя Няхукова (8 кл.), Катя Александрова, Гриша Иванов, Марина Мишина (9 кл.).

Вĕсем пурте сентябрĕн 1-мĕшĕнче Н.Афанасьев фончĕн членĕсен, Шупашкарти тĕрлĕ аслă вĕренÿ заведенийĕсенче вăй хуракан ученăй-преподавательсен аллинчен стипенди тата диплом илĕç.

Малашне те ăнăçусем сире, ачасем! Пултаруллă вĕрентекенĕн Н. Афанасьевăн «Пурнăçра чи хакли - пĕлÿ, лайăх вĕренĕр, ăслă пулăр!» тенине малалла та асра тытса пурнăçа кĕртсе пырăр.