25 августа 2007 г.
Йăлана кěнě тăрăх кашни çулах çěнě вěрену çулě пуçланас умěн август уйăхěнче учительсен районти конференцийě иртет. Кăçал вăл Нискасси шкулěнче августăн 23-мěшěнче иртрě. Ăнсăртран мар. Шкул коллективě кăçал 1 миллион тенкě Раççей Президенчěн грантне илме тивěç пулчě.
Малтанах ěç-пуç уйрăм темăсемпе йěркеленě 5 секцире иртрě. Пленарлă пайра район администрацийěн вěрентÿ, çамрăксен политики тата физкультурăпа спорт пайěн пуçлăхě Л.И. Мочалов «Экономика тата вěрентÿ» доклад туса пачě.
Доклад тăрăх Муркаш лицейěн директорě Н.Е.Смирнов, Нискасси шкулěн директорě А.А.Калинкина, Москакасси шкулěн директорě И.А.Иванов, Калайкасси шкулěн директорěн воспитани енěпе ěçлекен çумě А.М.Степанов, Нискасси шкулěн историпе обществоведени учителě В.И.Тихонов, Муркаш шкулěн директорěн вěрентупе воспитани енěпе ěçлекен çумě О.Д.Ефанов, «Солнышко» ача сачěн воспитатěлě О.В.Прокопьева, Чăваш Республикин Президенчěн администрацийěн представитěлě, республика ветеринари службин ертÿçи В.К.Тихонов,Чăваш Республикин вěрентÿ тата çамрăксен политикин министрěн пулăшаканě Н.В.Гердо тухса калаçрěç.
Конференци итогěсене район пуçлăхě Ю.А.Иванов пěтěмлетрě.
Парнесемпе Хисеп грамотисене, Тав çырăвěсене тивěçекенсем сахал мар пулчěç. Вěрентÿ ěçченěсене Чăваш Республикин Президенчěн администрацийěн представителě, республика ветеринари службин ертÿçи В.К.Тихонов, Чăваш Республикин вěренту тата çамрăксен политикин министрěн пулăшаканě Н.В.Гердо, район пуçлăхě Ю.А.Иванов, район администрацийěн вěрентÿ, çамрăксен политики тата физкультурăпа спорт пайěн пуçлăхě Л.И.Мочалов Хисеп грамотисемпе парнесем пачěç. Оринин, Сатракасси, Ярапайкасси шкулěсем вара «Вěрентÿ» приоритетле наци проекчěпе килěшуллěн шкул автобусěсем, Чуманкасси шкулě микроавтобус илни пирки В.К.Тихоновран свидетельствăсем илчěç.
Источник: "Çĕнтерÿ ялавĕ"