20 января 2010 г.
Чăваш Республикин Сывлăх сыхлавĕн тата социаллă аталану министерствинчен пĕлтернĕ тăрăх, 2009 çулхи декабрĕн 2-мĕшĕнчи 308 № Федераллă саккунпа килĕшÿллĕн ачасем пур граждансем илсе тăракан пособисене кăсалхи январĕн 1-мĕшĕнчен 10 процент чухлĕ ÿстерме пăхнă.
Çапла вара 2010 çулхи январĕн 1-мĕшĕнчен пуçласа тĕрлĕ пособисен калăпăшĕ çакăн пек:
-- организацие пĕтернипе ĕçсĕр юлнă хĕрарамсене çие юлнипе тата ача çуратнишĕн паракан пособи 412 тенкĕ те 08 пус;
-- çие юлнипе малтанхи тапхăртах больницана учета тăна хĕрарăмсене пĕр хутчен паракан пособи 412 тенкĕ те 08 пус.
Ача çуратнăшан пĕр хутчен паракан пособи 10988 тенкĕ те 85 пуспа танлашрĕ.
Çулталак çурăччен ачана пăхнăшăн паракан пособи виçисем çапла:
-- пĕрремĕш ачана пахнăшăн – 2060 тенкĕ те 41 пус;
-- иккĕмĕш тата хыççăнхи ачасене пăхнăшăн -- 4120 тенкĕ те 82 пус;
-- çак пособин чи пысăк виçи – 8241 тенкĕ те 64 пус;
-- çарта хĕсметре тăраканăн ачишĕн уйахсĕрен паракан пособи 7458 тенкĕ.
Çапла вара кăçалхи январь уйăхĕнчен тытанса пособисене çÿллерех асăннă виçесемпе тÿлеççĕ.
Источник: "Çĕнтерÿ ялавĕ"