14 марта 2009 г.
Пирĕн шкулта Чăваш патшалăх академи симфонии капеллин артисчĕсем пулни халĕ те асрах. Малтанах вĕсем пирĕн пата ялти шкула килессе шансах та каймарăмăр. Хĕрĕх музыкантпа вокал ушкăнĕ килсе çитсен вара хамăрăн савăнăçа пытарма пултараймарăмăр.
Концерт пурне те питĕ килĕшрĕ. Программăна Константин Мосолков дирижер ертсе пычĕ. Номерсем хушшинче дирижер пире кашни инструмент пирки тĕплĕн каласа ăнлантарчĕ.
Музыка вăл, сăмахлă е сăмахсăр пулсан та, пурне те шухаша ярать. Эпĕ вара музыка итленĕ май питĕ хавхаланатăп, ташлас, юрлас килет.
Пирĕн патра çакăн пек концерт йĕркеленĕшĕн район администрациен верентÿ, çамрăксен политики тата физкультурапа спорт пайне пысăк тав сăмахĕ калатпăр.