Юлашки çулсенче çĕр-шыв ертÿçисем те ял хуçалăх аталанăвĕ çине ытларах тимлĕх уйăрма пуçларĕç. Çĕнĕлĕхсем ку таранччен пурнăçланă ĕçсем çине тăрăшуллăрах пăхма хистеççĕ. Çакна шута хурса обществăлла выльăх-чĕрлĕх патĕнче чуна парса ĕçлекенсен мал туртăмлăхне тав туса район администрацийĕ çулленех пĕрлешÿллĕ хуçалăхсенчи выльăх-чĕрлĕх пăхакансем хушшинче экономика ăмăртăвĕ ирттерет. Иртнĕ çул та ку тĕлĕшпе унчченхи çулхисенчен юлмарĕ.

Район администрацийĕн пуçлăхĕ Р. Тимофеев нарăс уйăхĕн 26-мĕшĕнче «Районта 2012 çулта выльăх-чĕрлĕх отраслĕнче ĕçлекенсем хушшинче ирттернĕ экономика ăмăртăвĕн кăтартăвĕсем çинчен» йышăнăва алă пусса çирĕплетрĕ. Çулталăк хушши выльăх-чĕрлĕх отраслĕнче палăртнă ÿсĕмсемшĕн тăрăшса вăй хунă кашни ĕçченшĕн питех те кĕтнĕ самант ку. Çак кĕрешÿре кашниех çĕнтерме тăрăшрĕ пулсан та, пысăк чыса чи хастаррисем кăна тивĕçрĕç. Кун пирки йышăнура çапла каланă:

1. 2012 çул кăтартăвĕсемпе экономика ăмăртăвĕнче çаксем çĕнтернĕ тесе шутлас тата вĕсене парнесем парас:

– Муркаш район администрацийĕпе агропромышленность комплексĕнче ĕçлекенсен профсоюз райкомĕ çирĕплетнĕ 1-мĕш степеньлĕ диплома тата куçса çÿрекен "Чи лайăх сĕт ферми – 2012" вымпелпа 5 пин тенкĕ укçан парнене Суворов ячĕпе хисепленекен ял хуçалăх производство кооперативĕн Анаткассинчи сĕт фермине парас (ферма заведующийĕ Валентина Валерьяновна Макарова). Ферма коллективĕ çулталăк хушшинче пĕр ĕне пуçне вăтамран 6046 килограмм сĕт суса производствăна 1212, 0 тоннăна (унчченхи çулхинчен 3, 4 процент ытларах) çитернĕ;

– Муркаш район администрацийĕпе агропромышленность комплексĕнче ĕçлекенсен профсоюз райкомĕ çирĕплетнĕ 1-мĕш степеньлĕ диплома тата куçса çÿрекен "Мăйракаллă шултра выльăхсен чи лайăх ферми – 2012" вымпелпа 5 пин тенкĕ укçан парнене ăратлă выльăх ĕрчетессипе специализациленекен "Свобода" ял хуçалăх производство кооператив-заводăн Йÿтĕркассинчи мăйракаллă шултра выльăх фермине парас (комплекслă бригада заведующийĕ Григорий Геннадьевич Белов). Йÿтĕркассисем çулталăк хушшинче самăртма хупнă мăйракаллă шултра выльăхсене талăксерен вăтамран 1093 грамм ÿт хуштарса пурĕ 40, 5 тонна аш-какай туса илнĕ;

– Муркаш район администрацийĕпе агропромышленность комплексĕнче ĕçлекенсен профсоюз райкомĕ çирĕплетнĕ 1-мĕш степеньлĕ диплома тата куçса çÿрекен "Чи лайăх сысна ферми – 2012" вымпелпа 5 пин тенкĕ укçан парнене ăратлă выльăх ĕрчетессипе специализациленекен "Свобода" ял хуçалăх производство кооператив-заводăн Кашмашри сысна фермине парас (ферма заведующийĕ Эльвира Фадеевна Замятина). Кашмашсем çулталăк хушшинче фермипе пурĕ 3977 çура, кашни 100 тĕп сысна ами пуçне 1895 çура илнĕ, сыснасене талăксерен вăтамран 501 грамм ÿт хуштарнă, аш туса илессипе пĕтĕмĕшле кăтартăва унчченхи çулхинчен 3, 3 процент ÿстерсе 160, 9 тоннăна çитернĕ.

– Пĕр ĕне пуçне 5 пинрен пуçласа 6 пин килограмм таран сĕт сунă çак дояркăсене Муркаш район администрацийĕпе агропромышленность комплексĕнче ĕçлекенсен профсоюз райкомĕн дипломĕсемпе тата 1300-шер тенкĕ укçан парнесем парас:

Чкалов яч. хис.

Тимофеева Надежда Алексеевна 5034 кг

Ильич яч. хис.

Иванова Юлия Афанасьевна 5072 кг

Семенова Зинаида Михайловна 5054 кг

«Свобода»

Кириллова Елена Алексеевна 5096 кг

Обжелянская Тамара Николаевна 5088 кг

«Путь Ильича» АФ

Николаева Ирина Петровна 5045 кг

Суворов яч. хис.

Орлова Надежда Николаевна 5863 кг

Гордеева Вера Ильинична 5476 кг

Олгашова Людмила Викентиевна 5023 кг

– Пĕр ĕне пуçне 6 пинрен пуçласа 7 пин килограмм таран сĕт сунă çак дояркăсене Муркаш район администрацийĕпе агропромышленность комплексĕнче ĕçлекенсен профсоюз райкомĕн дипломĕсемпе тата 1600-шер тенкĕ укçан парнесем парас:

«Путь Ильича» АФ

Иванова Светлана Александровна 6024 кг

Суворов яч. хис.

Журавлева Надежда Евгеньевна 6489 кг

Филиппова Татьяна Николаевна 6389 кг

Михайлова Надежда Валентиновна 6082 кг

Антонова Фаина Юрьевна 6004 кг

– Пĕр ĕне пуçне 7 пин килограмран ирттерсе сĕт сунă çак дояркăсене Муркаш район администрацийĕпе агропромышленность комплексĕнче ĕçлекенсен профсоюз райкомĕн дипломĕсемпе тата 2000-шер тенкĕ укçан парнесем парас:

Суворов яч. хис.

Печкова Валентина Николаевна 7192 кг

2. Ферма территорийĕсене тирпей-илем кĕртессипе ирттернĕ конкурсра çаксем çĕнтернĕ тесе шутлас тата вĕсене дипломпа укçан преми парса чыслас:

– пĕрремĕш степеньлĕ диплом тата 5000 тенкĕ укçан преми ăратлă выльăх ĕрчетекен «Свобода» ял хуçалăх производство кооператив-заводăн Кашмашри сысна фермин коллективне (заведующийĕ Эльвира Фадеевна Замятина);

– иккĕмĕш степеньлĕ диплом тата 3000 тенкĕ укçан преми «Оринино» ял хуçалăх производство кооперативĕн Патаккассинчи сĕт фермин коллективне (заведующийĕ Раиса Ананьевна Блинова);

– виççĕмĕш степеньлĕ диплом тата 2000 тенкĕ укçан преми Суворов ячĕпе хисепленекен ял хуçалăх производство кооперативĕн Анаткассинчи сĕт фермин коллективне (заведующийĕ Валентина Валерьяновна Макарова).

Ферма территорийĕсене тирпей-илем кĕртессипе çаксене лайăх енчен палăртас:

– «Свобода» хуçалăхăн Çатракассинчи сĕт ферми (заведующийĕ Елена Александровна Демьянова);

– Ильич ячĕпе хисепленекен пĕрлешÿллĕ хуçалăхăн Уйкас Янасалти сĕт ферми (заведующийĕ Валентина Леонидовна Аврамова);

– «Герой» хуçалăхăн Шурчари сысна ферми (заведующийĕ Антонина Филимоновна Леонтьева).

3. Ял хуçалăх производствинчи пысăк производство ÿсĕмĕсемшĕн çĕнтерÿçĕ ятне парса ятарлă хăюпа, Муркаш район администрацийĕпе агропромышленность комплексĕнче ĕçлекенсен профсоюз райкомĕн дипломĕпе тата 1000-шер тенкĕ укçан парнепе çаксене наградăлас:

3.1 Валентина Николаевна ПЕЧКОВĂНА – Суворов яч. хис. хуçалăхăн ĕнесене машинăпа сăвакан операторне – «2012 çулта ĕнесене машинăпа сăвас ĕçри чи лайăх оператор» ят парас. Вăл хăйĕн ушкăнĕнчи кашни ĕнерен пĕлтĕр 7192 кг сĕт суса пĕтĕмпе 207, 3 тонна сĕт сунă, 100 ĕне пуçне 100 пăру илнĕ, вĕсене 100 процент упраса хăварнă;

3.2 Калерия Петровна ДИМИТРИЕВĂНА – «Путь Ильича» агрофирмăри ĕнесене искусствăлла майпа пĕтĕлентерекен оператора çулталăкра 100 ĕне пуçне 90 пăру илнĕшĕн – «2012 çулхи чи лайăх техник-осеменатор» ят парас;

3.3 Эльвира Фадеевна ЗАМЯТИНĂНА – ăратлă выльăх ĕрчетекен «Свобода» ял хуçалăх производство кооператив-заводăн тĕп зоотехникне – «2012 çулхи чи лайăх зоотехник» ят парас. Çак ята ăна выльăх-чĕрлĕх отраслĕнче çĕнĕ технологисемпе малта пыракан опыта пурнăçа кĕртнишĕн, аш-какай туса илессине 10 процент, сĕт сăвассине 10, 6 процент ÿстернĕшĕн, ăратлă çамрăк выльăх реализацилес плана 100 процент шайĕнче тытса хăварнăшăн памалла тунă;

3.4 Елена Юлиановна ЕШМОЛАЕВĂНА – «Оринино» хуçалăхăн тĕп ветврачне – «2012 çулхи районти чи лайăх ветеринари ĕçченĕ» ят парас. Çирĕплетнĕ хуçалăхри ветсанитари ĕçĕсене вăхăтра тата пахалăхлă туса пынăшăн, сĕтĕн 92 процентне чи пысăк пахалăхпа туса илсе реализациленĕшĕн;

3.5 Раиса Ананьевна БЛИНОВĂНА – "Оринино" хуçалăхри Патаккассинчи сĕт фермин заведующине – "2012 çулхи чи лайăх ферма заведующийĕ" ят парас. Вăл выльăхсене апатлантарас тата пăхас çĕрте малта пыракан технологисемпе анлă усă курса пĕтĕмĕшле сĕт сăвассине 6, 7 процент ÿстернĕ. Фермипе пĕр ĕне пуçне 4502 килограмм сĕт суса пĕтĕмĕшле кăтартăва 922, 9 тоннăна çитернĕ. 92 процент сĕте чи пысăк пахалăхпа реализациленĕ. Кунта самăртма тăратнă выльăхсем талăксерен вăтамран 619 грамм ÿт хушса çулталăкра 15, 5 тонна аш туса панă;

3.6 Андрей Альбертович АЛЕКСАНДРОВА – Суворов яч. хис. хуçалăхри сысна самăртакан оператора – «2012 çулхи сысна самăртассипе чи лайăх оператор» ят парас. Вăл пăхакан сыснасем талăксерен вăтамран 632 грамм ÿт хушса хуçалăха 52, 5 тонна аш-какай туса панă;

3.7 Владислав Арефьевич ДЕДОВА – ăратлă выльăх ĕрчетессипе специализациленекен "Свобода" ял хуçалăх производство кооператив-заводăн мăйракаллă шултра выльăх самăртакан операторне – «2012 çулхи мăйракаллă шултра выльăх самăртакан чи лайăх оператор» ят парас. Вăл пăхакан выльăхсем талăксерен вăтамран 1093 грамм ÿт хушнă, хуçалăха 40, 5 тонна аш туса панă;

3.8 Наталья Вячеславовна РЫЖКОВĂНА – «Герой» хуçалăхри пăру пăхакана – «2012 çулхи чи лайăх пăру пăхакан» ят парас. Вăл пăхакан пăрусем çулталăк хушшинче талăксерен 793 грамм ÿт хушса хуçалăха 11, 9 тонна аш туса панă. Пăрусене 100 проценчĕпех сыхласа хăварнă;

3.9 Оксана Анатольевна ПЕТРОВĂНА – ăратлă выльăх ĕрчетессипе специализациленекен "Свобода" ял хуçалăх производство кооператив-заводăн сысна пăхаканне – "2012 çулхи сысна çурисем илессин чи лайăх операторĕ" ят парас. Вăл çулталăк хушшинче кашни тĕп сысна аминчен 18, 9 çура илсе пĕтĕмĕшле кăтартăва 539 çурана çитерме пултарнă;

3.10. Валентина Васильевна БЫЧКОВĂНА – «Моргаушская» чăх-чĕп фабрики» акционерсен уçă обществин чăх-чĕп пăхаканне – «2012 çулхи чи лайăх чăх-чĕп операторĕ» ят парас. 15, 1 пин чăх пăхакан ĕçчен кашни чăхран 319 штук çăмарта илсе пĕтĕмĕшле кăтартăва 4, 81 миллион штука çитернĕ.

3.11 Василий Ильич ЯКОВЛЕВА – Мичурин яч. хис. агрофирмăн утарçине хурт-хăмăрăн пĕр çемйи пуçне 12 кг пыл туса илсе пĕтĕмĕшле калăпăша 960 килограма çитернĕшĕн "2012 çулхи чи лайăх утарçă" ят парас.

Лашасен йышĕ сахалланнипе тата тиха илесси пĕчĕкленнипе «2012 çулхи лаша пăхакан чи лайăх ĕçчен» ят никама та парас мар.