17 февраля 2007 г.
Калама кăна çăмал. 30 çула яхăн дояркăра вăй хурасси вара пĕртте çăмăл мар. Зоя Никифоровна Ильина вара 1978 мĕш çулта шкултан вĕренсе тухсан фермăра еĕлеме тытăннă та,паян кунчченех выльăхсем патĕнче тăрăшать.
Ленин ячĕпе хисепленекен хуçалăхри Шаптакри сĕт-çу ферминче тăрăшуллăхпа ,ăсталăхпа палăрса тăракан ĕçченсем татах çук мар. Кашниех вĕсенчен чи ырă сăмахсене тивĕç.
Эсир сăн-ÿкерчĕкре Зоя Никифоровна иртнĕ çула япăх мар кăтартусемпе вĕçлемме пултарнă. Хăйне çиреплетсе панă ушкăнри кашни ĕнерен вăл вăтамран 4249 килограмм сĕт суса илнĕ.
-Мĕн тунипе лăпланаса ларас килмет, кăçал татах ÿсĕмлĕрех ĕçлес шухăшлă,-каласа парть хастар ĕçчен.
Сăмах май унăн упăшки Геннадий Фомич та ку фермăрах операторта тăрăшать.Ĕçрен пушă вăхăтра мăшăрне пулăшассине ытлашши тесе шутламасть.Пĕрле шăкăл-шăкăл килĕштерсе ĕçлеме те кăмăллă,усĕмсем те ун чух пулаççĕ вĕт-ха.
Ильинсен икĕ ача-ывăлпа хĕр-пăхса ÿстерсе пурнăç çулĕ çине кăларнă.
Вĕсем те ,ĕçре пиçĕхсе ÿснĕскерсем , хăйсен ĕçченлĕхĕпе палăрса тăраççĕ.
Источник: "Çĕнтерÿ ялавĕ"