02 февраля 2012 г.

     Эпě Шупашкарти кооператив институтěнче сутăç-кассир курсне пěтертěм. Анчах çак специальноçпа ěçе вырнаçаймарăм. Иртнě çулхи пуш уйăхěнче Муркашри ěçпе тивěçтерекен центр мана ěçсěррисен шутне кěртрě. Кěске хушăра предприниматель свидетельствине илме пулăшрě, хамăн ěçе пуçлама субсиди пачě. Унпа 25 кролик тата апат туянтăм. Çемьепе читлěхсем ăсталарăмăр. Çу каçиччен кроликсен йышне çěртен ирттертěмěр.

   Раççей Правительстви хăй вăхăтěнче ěçсěррисене предприниматель çулě çине тăма пулăшасси çинчен йышăну кăларнă. Патшалăх хỹтте илнисен шутěнче эпě те пур. Субсидие тавăрттармарěç. Тавах çěр-шыв ертỹçисене.

    «Çынсен экономикăпа ěç рынокě «мěнле тата мěнпе сывланине» пěлсе тăмалла»,- терě Владимир Путин. Çак сăмахсем тỹррěмěнех предпринимательсене пырса тивеççě. Вěсене тěпе хурса ěçлемелле.

Источник: "Хыпар"