17 марта 2010 г.

    Мартăн 7-мĕшĕнче Çатракассинчи вăтам шкула ирлесех халăх йышлă пухăнчĕ. Çак кун кунта Хуракасси выççăлкинче çуралса ÿснĕ, Тăван çĕршывăн Аслă вăрçин фронтĕнче паттăрлăх кăтартса Мухтав орденĕн тулли кавалерĕ пулса тăнă Александ Артемьевич Быкова асăнса ун ятне халалланă куçса çÿрекен кубокшăн тĕрлĕ енлĕ ăмăртусем иртрĕç: волейболла вылясси, йĕлтĕрпе эстафета чупасси, шашка-шафматла тата теннисла вылясси. Кăçалхипе ку ăмăрту 5-мĕш хут иртрĕ. Спартакиадăна Аслă Çĕнтерÿ 65-çул тултарнине тата Вĕрентекен çулне халалланă.

     Ăмăртăва пуçтарăннисене малтанах райадминистрацин вĕрентÿ, çамрăксен политики, физкультурăпа спорт пайĕн пуçлăхĕ З.Дипломатова, РФ Патшалăх канашĕн депутачĕн, Раççей Геройĕн, летчик-космонавтăн Н.Бударинăн пулăшаканĕ А.Иванов саламларĕç. Уява райадминистраци пуçлăхĕ Ю.Иванов та хутшăнчĕ.

      Ăмăртăвăн пур енĕсене те пĕтĕмлетнĕ хыççăн чи вăйлисем палăрчĕç. Вĕсем Кубокăн пĕлтĕрхи хуçисемех- «Оринино» хуçалăх спортсменĕсем- пулчĕç. 2-мĕш вырăнта- Çатракассинчи вăтам шкул учителĕсем. 3-мĕш вырăнта Çатракасси ял тăрăхĕн команди тухрĕ.

Источник: "Çĕнтерÿ ялавĕ"