22 апреля 2009 г.

Кашмашри ял библиотекинче тӑтӑшах тӗрлӗ мероприятисем, конкурссем, вӑйӑсем ирттереҫҫӗ. Ольга Алексеевна Семенова библиотекарь вӗсене питӗ интереслӗ, хӑйне евӗрлӗ ирттерет. Акӑ апрелей 9-мӗшӗнче «Устами младенца» вӑйа ирттерчӗҫ. Ҫак вӑйӑ Ҫӗр ӗҫченӗн ҫулталӑкне халалласа иртрӗ. Унта Алжировсен, Зайцевсен, Суриковсен, Трофимовсен ҫемйисем хутшӑнчӗҫ. Вӑйӑ икӗ пайран тӑчӗ. Пӗрремӗш пайӗнче ачасене суйласа илнӗ сӑмаха асӑнмасӑр

амӑшӗсене сӑмахпа каласа ӑнлантармалла пулчӗ. Иккӗмӗш пайӗнче амӑшӗсем, тӗрлӗ хусканусем туса, сӑмах каламасӑр ӑнлантарчӗҫ. Вӑйӑ ачасене анчах мар, амӑшӗсенете килӗшрӗ.

Вӗҫӗнче Ольга Алексеевна ҫемьесене саламласа парнесем те пачӗ, чей ӗҫтерсе хӑналарӗ.

Источник: "Çĕнтерÿ ялавĕ"