15 августа 2007 г.
«Çамрăксен чи лайăх наставникĕ – 2007» республика конкурсĕн итогĕсене пĕтĕмлетнĕ. Пирĕн районтан унта икĕ наставник – «Восток» пĕрлешÿллĕ хуçалăх ертÿçи Михаил Николаевич Шишокин тата «Хуçалăхсем хушшинчи «Моргаушская» строительство организациĕ» хупă акционер обществин директорĕн снабжени енĕпе ĕçлекен çумĕ Алексей Владимирович Игнатьев хутшăннă.
Конкурс условийĕсемпе килĕшÿллĕн наставниксем хăйсен професси ĕçĕ-хĕлĕ, çамрăк специалистсене епле пулăшса пыни пирки документсем, кунпа пĕрлех информаци отчечĕпе видеоролик хатĕрленĕ. Пирĕн конкурсантсенчен иккĕшĕ те республика финалне тухма пултарнă. Çĕнтерÿçĕсене палăртса чысланă чух Чăваш Республикин Патшалăх Канашĕн пĕчĕк залĕнче ЧР вĕрентÿ тата çамрăксен политикин министрĕ Г. П . Чернова А.В. Игнатьева финалистăн сертификатне панă . М. Н. Шишокин вара «Ял хуçалăхĕнче ĕçлекен çамрăксен чи лайăх наставникĕ» номинацире çĕнтерÿçĕ пулса тăнă, кубокпа 1-мĕш степень диплома тивĕçнĕ.
Источник: "Çĕнтерÿ ялавĕ"