07 июля 2007 г.
Ку хутĕнче налукçăсен.
Пĕрлешÿллĕ хуçалăхсенче, районта çурхи уй-хир ĕçĕсене вĕçленĕ май Акатуйсем ирттересси тахçанах йăлана кĕнĕ ĕнтĕ. Нумаях пулмасть вара Лантăш вăрман уçланкине униформăллă çынсем йышлă пухăнчĕç. Çав кун кунта республикăри налук органĕсен историйĕнче çак тытăмра ĕçлекенсем пĕрремĕш хут хăйсен юрăпа спорт уявне пухăнчĕç. Управлени ертÿçи А. Дергачев çак уява хăйсен ĕçне пĕтĕмлетме, пултаруллисене чысласа саламлама тата юрлама-савăнма пухăннине пĕлтерчĕ.
Уяв спорт мероприятийĕсемпе пуян пулчĕ. Налукçăсен командисем мини-футболла, волейбола выляссипе вăй виçрĕç, эстафетăра ăмăртрĕç. Çĕнтерÿçĕсем парнесемсĕр юлмарĕç. Республикăри эстрада ушкăнĕсем, уйрăм паллă юрăçсем вара ташă-юрă сахал мар парнелерĕç.
Ĕçре палăрнисем Чăваш Республикин Президенчĕн Н.В. Федоровăн Тав çырăвĕсене, федерации тĕп инспекторĕн Тав сăмахне тивĕçрĕç. Вĕсен шутĕнче Раççей Федерацийĕн Налук службин Чăваш Республикинчи районсем хушшинчи улттăмĕш ИФНС ертÿçи А.А.Волков та. Вăл Чăваш Республикин Президенчĕн Н.В.Федоровăн Тав çырăвне илме пултарчĕ.
Источник: "Çĕнтерÿ ялавĕ"