10 июля 2006 г.
04.07.2006
Турнир хĕрÿ те çивĕч иртрĕ
"Хыпар"
Республикăри шашкă вăйине юратакансем иртнĕ эрнере Чăваш
Республикинчи ”Урожай” физкультурăпа спорт обществин кубокне çĕнсе илессишĕн Вăрмар поселокĕнчи ятарлă турнирта тупăшрĕç. Ăмăрту питĕ хĕру те çивĕч иртрĕ. Малтанхи тапхăрта халиччен çавнашкал турнира нихăçан та хутшăнман Ельчĕк район команди малта пычĕ. Юлашки тур умĕн вара 23,5 очко пухса Комсомольскисем малта пычĕç. Анчах ăмăрту вĕçнелле пурте хăй вырăнне ларчĕ, çĕнтерÿçĕсем те улшёнчĕç. Шупашкар районĕн спортсменĕсем Комсомольскисене 5:0 шутпа çĕнтерсе мала тухрĕç. Ун хыççăн вĕсен Муркашсемпе Ельчĕксем мĕнлерех тупăшнине кĕтмелли кăна юлчĕ.
Ăмăртура Муркаш команди пĕрремĕш вырăна тухрĕ. Район чысне турнирта А.Прокопьев, А.Ермолаев, А.Авдеева тата Н.Репина, Г.Репин шкул ачисем хÿтĕлерĕç. Çапла вара Шупашкар район команди иккĕмĕш, Комсомольскисем виççĕмĕш вырăна тухрĕç.
”Нектар” производствăпа коммерци фирмин тĕп директорĕ, социал- демократсен партийĕн регионти уйрĕмĕн ертÿçин çумĕ, ЧР шашка федерацийĕн вице-президенчĕ Николай Столяров мала тухнă командăсемпе уйрăм спортсменсене хаклă парнесем парса чысларĕ.
Источник: "Хыпар"