24 апреля 2009 г.
Елене Алексеева Орининти вăтам шкулта тăххăрмĕш класра вĕренеть. Хăйĕн çитĕнĕвĕсемпе вара вăл кăçал ЧР Президенчĕн стипендине тивĕçрĕ. Пĕлтĕр республикăра иртнĕ шкул ачисен наукăпа практика конференцийĕнче те, И. Яковлев ĕçĕ-хĕлĕпе çыхăннă дистанции мелĕпе иртнĕ олипиадăра те Елена иккĕмĕш вырăнсем çĕнсе илнĕ. Раççей шайĕнчи «Чĕвĕлти чĕкеç» конкурсра 1-мĕш вырăна тухнă. 2008-2009 вĕреню çулĕнче те республика шайĕнче олимпиадăсене хутшăнса вăл культурологипе 1-мĕш, право предмечĕпе 2-мĕш пулнă. Пĕр сăмахпа каласан, Елена пирĕн риспубликăри чи ăслă вĕренекенсенчен пĕри пулса тăрать. Унпа пĕрлех пултаруллă хĕр ача спорта та кăмăллать, обçествăлла ĕçсене те активлă хутшăнать.
Источник: "Çĕнтерÿ ялавĕ"