02 июня 2007 г.
Июнĕн 1-мĕшĕ – Ачасене хÿтĕлемелли пĕтĕм тĕнчери кун. Çак хаваслă уява уявлама ĕнер Муркашри Ача-пăча паркне шкул çулне çитмен ача-пăча учрежденийĕсене çурекенсем чылаййăн пухăнчĕç. Кунĕ те уяр, юрă-кĕвĕ пĕтĕм Муркаш тăрăх янăрать.
Уява уçнă май район администрацийĕн пуçлăхĕн пĕрремĕш çумĕ А.Н.Иванов пухăннисене пурне те çак паллă кунпа саламларĕ, ачасене, ашшĕ-амăшĕсене, воспитательсене телей, ăнăçусеем, ырлăх-сывлăх сунчĕ.
Уяв ячĕпе салам сăмахĕсем çавăн пекех район администрацийĕн пуçлăхĕн çумĕ, культура тата архив ĕçĕçсен пайĕн пуçлăхĕ А.Е.Андреева, ЧР Патшалăх Канашĕн депутачĕ, «Единая Россия» фракции членĕ В.Г.Данилов калаçрĕç, çершыв Президенчĕ, хальхи вăхăтра тĕп вăй пулса тăракан «Единая Россия» партии ачасемшĕн, вĕсен пуласлăхĕшĕн çине тăнине палăртрĕç.
Уяв программи пуян. Сăвăсемпе ташă-юрă нумайччен янăрарĕç. Пултараççĕ иккен ачасем. Пĕр коллектив хыççăн тепри улăхать паркри сцена çине. «Путене», «Малыш», «Березка», «Колокольчик» ача сачĕсене çурекенсем хăйсен пултарулăхĕпе савăнтарчĕç. Пурте вара вĕсем «Единая Россия» партин районти уйрăмĕнчен парнесене – кĕнекесене – тивĕçрĕç.
Источник: "Çĕнтерÿ ялавĕ"