Публикации » Çамрăк çемьере йыш хушăнчĕ.

Сăн укерчĕкре эсир Çурлатăри ялĕнчи Татьяна Юрьевнапа Александр Юрьевич Степановсене тата вĕсен хĕрне Дианăна куратăр. Александр Юрьевич районти шалти ĕçсен пайĕнче 2003 çултанпа вăй хурать, Турай ял тăрăхĕпе милицин участокри инспекторĕ. Татьяна Юрьевна вара Шупашкарти Московски районĕн шалти ĕçсен пайĕнче бухгалтерта вăй хунă, халĕ Динăна пăхать.

Нумаях пулмасть Ача амăшĕн кунне халаласа район администрацийĕнче уяв иртрĕ. Муркаш ял тăрăхĕнчи çамрăк çемьесем – нумаях пулмасть çĕнĕ çемье çавăрса кăçал пĕрремĕш пепке кĕтсе илнисем те хутшăнчĕç унта. Вĕсенчен пĕри  Степановсен çемйи.  Çамрăк çемьесене унта район пуçлăхĕ Ю.А.Иванов, хĕрарăмсен районти Канашĕн ертÿçи А.Е. Андреева, Чăваш Республикин Патшалăх Канашĕн депутачĕ, район больницин тĕп врачĕ В.Г.Данилов,  Муркаш ял тăрăхĕн пуçлăхĕ Н.И.Никитин саламларĕç, парнесем пачĕç,  «Сундырь-Хлеб» предприяти директорĕ Л.Г.Ильгечкин хăйсен продукцийĕпе сайларĕ.