10 октября 2012 г.
Çак ятпа Муркашра октябрĕн 12-мĕшĕнче ял хуçалăх продукцийĕ сутассипе ярмăрккă иртет.
Ирхине 9 сехетрен тытăнса ял хуçалăх предприятийĕсенче, фермер хуçалăхĕсенче, çынсен хушма хуçалăхĕсенче туса илнĕ ял хуçалăх продукцине туянма май пулĕ. Ярмăрккă вĕçленичченех (14 сехет çурăччен) Муркаш тата Мăн Сĕнтĕр райповĕсен суту-илÿ тата обществăлла апатлану предприятийĕсем, ытти предприятисемпе организацисен суту-илÿ точкисем ĕçлĕç.
10 сехетрен сцена çинче художество пултарулăх коллективĕсем хăйсен пултарулăхне кăтартĕç.
Çав вăхăтрах актовăй залра шкул ачисен ĕç пĕрлешĕвĕсен слечĕ пуçланать. Унта çуллахи ĕç чĕрĕкĕн итогĕсене пĕтĕмлетĕç. Методкабинетра ачасен пултарулăхĕн выставкипе паллашма май пулĕ.
Эрне кунах районта пуçласа ирттерекен «Сам себе режиссер» конкурсăн итогĕсене пĕтĕмлетĕç, кунпа пĕрлех - «Семья года» конкурс итогĕсене те.
Пурне те «Кĕр парнисем» ярмăрккăна йыхравлатпăр.
Источник: "Çĕнтерÿ ялавĕ"