22 апреля 2009 г.
Паллă ěнтě, çурхи кунсем çитсе килнě май хěл кайса юр айěнче пухăнса пынă пěтěм тасамарлăх, тирпейсěрлěх çиеле тухать. Çавна май чăвашсен авалтанпах ырă йăла пулнă: тавралăха варалакан çак йěркесěрлěхе пуçтарса тирпейлемелле. Çак ěçе вěсем никам хушмасăрах пурнăçланă. Тирпей-илем хамăршăнах вěт-ха. Кил-çурт, картиш таврашěсене пуçтарса хăт кěртнě.
Халě вара пирěнтен хăшěсем çак ырă йăла çине алă сулаççě пулас. Тавралăха тирпейлес енěпе йěркеленě санитарипе экологи субботникěн малтанхи кăтартăвěсем те çавна çирěплетеççě.
Иртнě эрнере субботник йěркелерěмěр, Муркаш шкулěсěр, район сучěсěр, налук инспекцийěсěр, Россельхозбанксăр, суд приставěсен кантурěсěр пуçне район центрěнчи ытти предприятисемпе организацисенче субботник активлă иртрě.
Апрелěн 18-мěшěнче ял тăрăхěн территорийěнчи Малиновка, Çěньял-Муркаш, Çурлатăри, Шаптак ялěсенче те субботник пулчě.
Район центрěн территорийěнчен пěтěмпе 30 тонна çулсем çинчи хăйăр тасамарлăхне,15 тонна йăла каяшне, ытти ялсенчен 30 тонна тасамарлăх тиесе тухнă.
Тасалăхпа тирпейлěхшěн тăрăшасси пěр кунлăх ěç мар. Çакна манас марчě никамăн та.
Источник: "Çĕнтерÿ ялавĕ"