11 марта 2015 г.
Районти ветеринари служби, Чăваш Ен Пуçлăхĕ Михаил Игнатьев Чăваш Республикин Патшалăх Канашне янă Çырăвĕнче сĕт пахалăхне тата калăпăшне тĕрĕслесе тăрас енĕпе палăртнă задачăсене пурнăçласа, уйрăм çынсенчен сĕт пухас ĕçе вăйлатнă. Хальхи вăхăтра ку енĕпе 11 çын ĕçлет, Октябрьски райповĕнче 3 çын, «Октябрьское» сĕт цехĕнче 8 çын сĕт пухаççĕ. Продукци пахалăхне вырăнта тĕрĕслесе палăртма «Лактан» приборсемпе тата ареометрсемпе усă кураççĕ. Уйрăм çынсен хуçалăхĕсенче ĕнесем йышлă пăрулама тытăнни сĕт пухассине ỹстерме май парать. Ветеринари специалисчĕсем ĕнесене мастит чирĕнчен уйăхсеренех тĕрĕслеççĕ. Сĕтĕн пахалăхне те лабораторире тĕрĕслесех тăраççĕ. Тĕслĕхрен, кунта усă куракан «Клевер-1М» анализатор сĕтри çу, белок хисепне тата çăралăхне палăртма май парать. Çакăн çинчен специалистсем сĕт сутакансене тĕплĕ ăнлантараççĕ. Анчах та таса, хутăштарман сĕт кăна пама юранине пĕлсех улталакансем те тупăнаççĕ (тĕрĕслевлĕх илнĕ сĕтĕн 16: кирлĕ кăтартусемпе килĕшсе тăман.) Сĕт пахалăхĕшĕн тăрăшса, çакнашкал ăнлантару ĕçĕсене малашне те туса пырĕç. З.Ефимова, ветеринари врачĕ.
Источник: "Наше слово" ( Мариинско-Посадская районная газета)