16 февраля 2012 г.
Çак эрнери кĕçнерникун Сĕнтĕрвăрри районĕн тĕп больницинче юн парас текенсем йышлă пуçтарăннă. Донор кунне активлă хутшăнасси йăлана кĕрсе пырать темелле. Хальхинче уйрăмах тĕп район больницин ĕçченĕсем тата район администрацийĕнче тăрăшакансем хастарлăх кăтартнă. Ку тĕлĕшпе администрацин пурлăхпа çĕр хутшăнăвĕсен секторĕнче (сăнÿкерчĕкре – К. Евдокимов) вăй хуракансене те палăртмалла. Пĕтĕмпе юн панисен шучĕ 50 çынран та иртнĕ.
Ятарлă йĕркепе йышăннă тăрăх, пур донорсем те укçа компенсацийĕ тата икĕ кунлăха ĕçрен хăтарма ирĕк паракан справка илнĕ.
М. МАЙОРОВА.
АУ Чувашской Республики «Редакция Мариинско-Посадской районной газеты «Пирен самах»
Источник: "Наше слово" ( Мариинско-Посадская районная газета)