08 декабря 2012 г.
Мĕнрен килет-ши çын ĕмĕрĕ вăрăм пуласси. Ăна никам та тĕрĕс хуравлаймĕ. «90 çула çитрĕм пулин те пурăнса ывăнмарăм, малаллах пурăнас килет, 100 çулхи юбилее паллă тăвасчĕ», – хавхаланса пĕлтерет Маклашки ялĕнче пурăнакан Вера Филипповна Филиппова. Нумаях пулмасть ĕмĕр тăршшĕпе шкулта вĕрентекен пулса ĕçленĕскерне район администрацийĕн пуçлăхĕ Ю. Моисеев Раççей Президенчĕн В. Путинăн саламлă Çыруне тыттарнă. Ял хутлăхĕн администрацийĕн пуçлăхĕ С. Емельянова чĕрĕ чечек çыххи парнеленĕ. Çакăн пек хисепе тивĕçлĕ пулнишĕн вăрçă çулĕсене, ун хыççăнхи йывăрлăха, хĕн-хур тÿснĕ В. Филиппова савăнчĕ кăна мар, тем тери пысăк тав căмахĕ те каларĕ.
Источник: "Наше слово" ( Мариинско-Посадская районная газета)